• Invention Theme for Business Agency and Creative Portfolios

    Lorem Ipsum is simply dummy text of the printing and typesetting industry. Lorem Ipsum has been the industry's standard dummy text ever since the 1500s

હેબુવા ગામનો ઈતિહાસ

પ્રાપ્ત માહિતી અનુસાર હેબુવા ગામનો ઈતિહાસ સદીઓ જુનો હોવાનું માલુમ પડ્યું છે. હેબુવા ગામના આ સુવર્ણ ઈતિહાસની ખોજ હજી પણ ચાલુ જ છે. આ ગૌરવવંતા સુવર્ણ ઈતિહાસ ને જાણતા અહી અનેક રુચિની વાતો માલુમ પડી છે અને એમાંથી અહી થોડી માહિતી મૂકી છે.

હેબુવા ગામનો ઉદભવ આજથી આશરે સાડા નવસો વર્ષ પહેલા થયેલો છે. બારોટજીના ચોપડે લખેલી માહિતી અનુસાર વિક્રમ સંવંત ૧૧૧૫ ( ઈ.સ. ૧૦૫૯) ની સાલમાં આહીરો અહી આવીને વસેલા અને તે લોકો દ્વારા ગામને "હેબતપુરા" નામે ઓળખવાનું શરુ કરાયેલું.

આહીરો અહી આવીને વસ્યા ત્યારે હેબુવા ગામને 'હેબતપુરા' નામ આપવામાં આવ્યુ હતું.


૧૭મી સદીમાં સોલંકી પરિવારના ચાર ભાઈ યંત્રવેદ ગઢ ગામેથી નીકળીને ટુંટોડાગઢ ગામે અને ત્યાંથી પાટણ જઈને વસ્યા. ત્યારબાદ ચાર ભાઈ અલગ અલગ જગ્યાએ જઈને વસ્યા.
તેમાંથી એક ભાઈના કુટુંબે હેબુવામાં આહીરો સામે જીત મેળવીને 'હેબતપુરા' ગામમાં વિક્રમ સંવંત ૧૭૦૧ (ઈ. સ. ૧૬૪૫) ની સાલમાં વસવાટ કર્યો. સોલંકીઓએ અહી વસવાટ કરી 'હેબતપુરા' ને હેબુવા ગામ તરીકે ઓળખવાનું શરુ કર્યું. વિક્રમ સંવંત ૧૯૨૬ (ઈ. સ. ૧૮૭૦) ની સાલમાં પટેલો ગામમાં રહેતા હતા તેના પુરાવા છે.

ઈતિહાસના પાના પર ગામની ભાગોળે ઉત્તર દિશામાં ઈંટબંધ કુવો નામે 'બાથરીયો' , હવાડા સહીત કોઈ વાણીયાએ બનાવ્યો હોવાનો ઉલ્લેખ છે. આ કુવા પર ગણપતિની પૂજા થતી હતી. કુવાથી ઉગમણી દિશાએ પીર છે. હેબુવાની ભાગોળે વાવ છે અને તેના ઉગમણે મોઢે તળાવ છે જેની ઉપર આહીરોના ગોત્ર દેવી ડેમોઈ માતા પૂજાતા હતા. જ્યાં સવામણની સુખડી ચડતી હતી. સવામણ સુખડી ચડતી હોવાના કારણે એમને માતરી (માત્રી) માં નામે પણ ઓળખવામાં આવતા. જે પછીથી માં બ્રહ્માણી તરીકે ઓળખાવા લાગ્યા.
બ્રહ્માણી માતાનું મંદિર ગામમાં આહીરોની પ્રગતિ ન થતી હોવાના કારણે સ્થાપવામાં આવેલ છે. આખા ગામમાં પહેલા અંબાજી માતાનું મંદિર હતું અને આ મંદિરમાં જ મૂર્તિઓ હતી. ગામના બાકીના મંદિરો જેવા કે ખોડિયાર માતા, શીતળા માતા, બહુચર માતાને ખાલી દીવો જ થતો હતો.

હેબુવા ગામ અંગ્રેજોના સમયે તેમના શાશન હેઠળ હતું નહિ. હેબુવા ગામ વડોદરા ના રાજવી સયાજીરાવ ગાયકવાડના રાજમાં આવતું હતું.

વર્ષોથી ચાલી આવતી અનેક પરંપરાઓ અને ઉત્સવો આજે પણ ગામમાં અકબંધ છે. દશેરાના દિવસે ગામમાં રથ નીકળે છે અને અલગ અલગ જ્ઞાતિના લોકો ભેગા મળીને તે માટે સામગ્રી લાવવાનું નક્કી જ હોય છે. આજે પણ કાળીચૌદસના દિવસે સૌ પ્રથમ રાજપૂત (સોલંકી) દ્વારા ગરબો નીકાળવામાં આવે છે અને ત્યારબાદ જ ગામમાં બીજા ગરબા નીકળે છે. નવરાત્રીની આસો સુદ આઠમે સવારે માં અંબાજીના હવન તથા હાલરડાં ગવાય છે તદુપરાંત આજ દિવસે નાયકો દ્વારા ભવાઈ અને મહા સુદ તેરસે મંદિરની સ્થાપના દિવસનો ઉત્સવ ઉજવાય છે.


નોંધ : ઉપરોક્ત માહિતી રાજપૂતોના બરોટજી પાસેથી મેળવેલ છે. બીજી જ્ઞાતિના વસવાટની માહિતી તેમના પાસેથી ઉપલબ્ધ ન હોવાના કારણોસર મુકાઇ નથી. જયારે પણ માહિતી મળે બીજી ત્યારે આ માહિતીમાં સુધારા વધારા કરી સચોટ બનાવાનો પ્રયાસ કરવામાં આવશે.